നീ മാത്രം...
നീയെന്റെ പുണ്യം തന്നെയാണ്...
ഇത്രയേറെ വര്ഷങ്ങള്ക്കുശേഷം നിന്നെ ഇവിടെ ഈ മരുഭൂമിയില് വച്ചു കാണുമെന്ന് ഒരിക്കല്പോലും വിചാരിച്ചിട്ടില്ല... ഫോണിലൂടെ എന്നെ തേടിയെത്തിയ ആ ശബ്ദം എനിക്കിത്രമേല് പ്രിയമുള്ളതാകുമെന്നും കരുതിയിരുന്നില്ല... ഓരോ സമാഗമങ്ങളും എന്നെ നിന്നിലേക്ക് ഒരുപാട് അടുപ്പിക്കുന്നു...
നിന്നെ വെറുതെ ദേഷ്യം പിടിപ്പിക്കാന് ഒരുങ്ങുന്നതും ഒടുക്കം പിണക്കം നടിക്കുന്നതുമൊക്കെ നീ വെറുതെയെങ്കിലും എന്നെ നുള്ളി നോവിച്ചെങ്കില്... എന്റെ കവിളിലെങ്കിലും നീ പതിയെ നുള്ളിനോവിച്ചെങ്കില്...
ഒരുപാട് വിലക്കുകള്ക്കും വിലങ്ങുകള്ക്കുമിടയിലും നമ്മളൊരുപാട് അടുക്കുന്നു... ഒരുപാട് സ്നേഹിക്കുന്നു... ജീവിക്കുന്നു...
ഞാന് കാത്തിരുന്നത് നിന്നെ തന്നെയാണ്... എന്റെ തെറ്റുകളും കുറ്റങ്ങളും പൊറുക്കാനും, സഹിക്കാനുമൊക്കെ സന്മനസ്സുള്ള നിന്നെ... ഞാന് എങ്ങിനെയാണൊ അങ്ങിനെ എന്നെ സ്നേഹിക്കാന് കഴിയുന്ന നിന്നെ...
ഈ ലോകത്തിന്റെ കളങ്കം കണ്ടു മരവിച്ച മനസ്സില് നീ തിമിര്ത്തു പെയ്യുകയാണ്... വേഗമേറിയ ഈ ലോകത്തില് നിശ്ചലമായ എന്റെ പാദങ്ങള്ക്ക് നീ ചലനം നല്കി... നിന്റെ ഒരോ ശ്വാസവും എനിക്ക് ആശ്വാസമാകുന്നു...
ജീവിതത്തിലെ ഒരു ചോദ്യത്തിനു മുന്നിലും നീ പതറാതിരിക്കട്ടെ... നിനക്ക് ഉത്തരമില്ലാതാകുമ്പോള് തളരുന്നത് ഞാനാണെന്ന് നീ അറിയുക... നീയില്ലാതെനിക്കു ജീവനില്ലെന്നും അറിയുക...
നീ മാത്രമാണ് സത്യം... നീ മാത്രം....
posted by Chinnus @ 3:13 PM
5 Comments
